Kryetari i Partisë Agrare Ambientaliste Agron Duka, përmes një lajmërimi për mediat, shprehet se situata në Torovicë është alarmante.
Duka thekson se përmbytjet shkatërrojnë mundin e fermerëve në këtë zonë.
Deklaratë për Shtyp
Kryetari i PAA Duka: Situata në Torovicë alarmante!
Kryetari i PAA Duka tërheq përsëri vëmendjen për vështirësitë që po has bujqësia!
Përmbytjet shkatërrojnë mundin e fermerëve në zonën e Torovicës e cila është një zonë që njihet për zhvillimin bujqësor.
Prej më shumë se një muaj tashmë, tokat bujqësore në zonën e Torovicës ndodhen nën ujë duke shkaktuar humbjen e kultivimeve në sezonin e dimrit.
Fermerët, për të cilët bujqësia është burimi kryesor dhe shpeshherë i vetëm i jetesës për familjet e tyre, janë të shqetësuar edhe për kultivimet e pranverës pasi duhen bërë ndërhyrje në kanale dhe në hidrovor që uji të tërhiqet nga tokat bujqësore.
PAA bën thirrje për marrjen e masave të menjëhershme nga institucionet përkatëse për të ndihmuar fermerët.
Zyra e Shtypit PAA
(d.xh/ Balkanweb)