KORÇË

Një aksident ka ndodhur paraditen e sotme në aksin Korçë- Bilisht, pranë fshatit Cangonj.

Gazetarja Lorena Kodra raportoi për “BalkanWeb” se një automjet ka përplasur një biçikletë dhe ka mbetur i plagosur drejtuesi i saj.

I plagosuri është dërguar në spitalin e Korçës për mjekim ku ndodhet në gjendje të rënduar. Ndërkaq policia ka nisur hetimet për zbardhjen e rrethanave të aksidentit dhe ka shoqëruar drejtuesin e mjetit.

(BalkanWeb)