Suedia ka mposhtur Australinë duke u renditur në vendin e tretë në Kupën e Botës për femra. Kombëtarja nordike ka marrë medalje bronzi falë rezultatit 2-0 ndaj vendaseve të Australisë në “Suncorp Stad, stadium ku morën pjesë rreth 50 mijë tifozë.
Kosovare Asllani la shenjën e saj me golin që vulosi triumfin e Suedisë. Ishte minuta e 62’ kur sulmuesja shqiptare e Milanit, tundi rrjetën kundërshtare me një goditje shumë të bukur.
Kjo është hera e katërt që Suedia e mbyll Kupën e Botës për femra në vendin e tretë, ndërkohë që Asllani gjeti golin e parë në këtë turne. 34-vjeçarja u shpall lojtarja më e mirë e ndeshjes, duke u vlerësuar me notën 9. Finalja e madhe mes Anglisë dhe Spanjës, do të zhvillohet të dielën, duke nisur prej orës 12:00.
(BalkanWeb)
