Një sasi e materialit radioaktiv është gjetur në një shtëpi në periferi të Sydney, Australi, duke detyruar autoritetet të kryejnë një operacion pastrimi. Tre persona u dërguan në spital për arsye paraprake.
Rezidenca, raporton BBC , ishte e rrethuar për orë të tëra me një tregues të materialeve toksike, radioaktive.
Autoritetet thanë se gjetën “izotope radioaktive me intensitet të ulët” që ishin në shishe të përshtatshme, nga të cilat nuk kishte rrjedhur asnjë radioaktivitet. Autoritetet kanë ndërhyrë për sigurimin e materialit. Mediat raportuan se uranium-238 dhe izotope të merkurit u zbuluan, megjithëse autoritetet nuk e konfirmuan informacionin.
Ky izotop i veçantë i uraniumit gjendet në natyrë, por përdoret gjithashtu në reaktorët bërthamorë. Sasia e radioaktivitetit që ka varet nga shumë faktorë, por zakonisht është e ulët.
Në të njëjtën kohë, edhe fqinjët u larguan nga shtëpitë e tyre për një kohë, dhe më vonë morën leje për t’u kthyer.
