Kreu i Grupit Parlamentar të PS, Taulant Balla, ripërsërit paralajmërimin e kryeministrit Edi Rama për ndalimin total të daljes së të moshuarve nga shtëpitë, për shkak se janë shtresa më e rrezikuar nga koronavirusi.
Balla shkruan në “Facebook” se qeveria po përgatitet për këtë masë shtrënguese, duke shtuar se “Nuk mund të presim më ndërgjegjësimin e asaj pakice që vazhdon sfidon rregullat, duke vënë në rrezik shumë serioz veten”.
Mesazhi i Ballës:
? PO PËRGATITEMI PËR NDALIMIN TOTAL TË DALJES SË PENSIONISTËVE NGA SHTËPIA! NUK MUND TË PRESIM MË NDËRGJEGJËSIMIN E ASAJ PAKICE QË VAZHDON SFIDON RREGULLAT, DUKE VËNË NË RREZIK SHUMË SERIOZ VETEN!
? PENSIONISTËT KRYEFAMILJARË NË QYTETE DUHET TË SHËRBEHEN ME SHPEZAT USHQIMORE DHE FARMACEUTIKE NGA FËMIJËT E TYRE. TË GJITHË ATA QË NUK I KANË FËMIJËT NË TË NJËJTIN QYTET, DO TË SHËRBEHEN NGA SHTETI PËRMES SKUADRAVE TË PËRBASHKËTA TË BASHKIVE DHE QEVERISË!
? TË GJITHA BASHKITË NË BASHKËPUNIM ME SHËRBIMIN SOCIAL SHTETËROR DHE INSTITUTIN E SIGURIMEVE SHOQËRORE DO PËRGATISIN ME URGJENCË LISTAT E PENSIONISTËVE KRYEFAMILJARË QË NUK I KANË FËMIJËT NË TË NJËJTIN QYTET!
(BalkanWeb)
