Ivan Balliu me Rayo Vallecano-n e tij i shkaktuan një humbje befasuese Barcelonës. Pas blofit të Realit Madrid, edhe ekipi blaugrana ndjek të njëjtin trend në La Liga. Sigurisht që humbja 2-1 përballë Rayo-s nuk ka asnjë efekt në tabelën e renditjes, apo në garën për titull, Barcelona qëndron e qetë në krye plus 11 pikë nga Real Madrid.
Alvaro Garcia kaloi Rayo-n në avantazh në minutën e 19-të, ndërsa me fillimin e pjesës së dytë ishte Fran Garcia ai që dyfishoi shifrat. Barcelona u përpoq të rikthej në lojë, por goli i Robert Lewadowski-t erdhi vonë në minutën e 83-të. Anësori kuqezi ishte titullar dhe 90-minuta në fushë, i vlerësuar me notën 6.8:
“Pa justifikime”, shkruan “Sport” në faqen e parë duke iu referuar humbjes së Barcelonës. Nuk e ka pritur mirë këtë humbje as trajneri Xavi: “Nuk luajtëm një ndeshje të mirë. Rayo e meritoi fitoren, na vendosën nën presion. Kjo është një humbje që na bezdis, është e papranueshme, por iku dhe një javë”, u shpreh Xavi pas ndeshjes.
(BalkanWeb)
