Pasi njoftoi se Beyoncé nuk do të dilte në skenë në ndarjen e çmimeve të këtij viti, ajo më në fund doli, për habinë e të gjithëve. Për kthimin e saj epik në Grammy 2024, Beyoncé veshi një pjesë nga koleksioni i ri i Pharrell Williams për Louis Vuitton, duke përfshirë një kapelë të bardhë kauboj dhe një kostum lëkure me modelin e firmës së shahut të shtëpisë së modës. Ajo e kompletoi look-un e saj me një rrip LV, këmishë të bardhë dhe një kravatë. Bashkëshorti i saj, Jay-Z, dje priti Dr. Dre Global Impact ndërsa vajza e tyre e madhe, Blue Ivy shoqëronte të atin në skenë.
Kanë kaluar tre vjet që kur Beyoncé për herë të fundit ishte në Grammy. Në vitin 2021, ajo pranoi personalisht çmimin për performancën më të mirë R&B për këngën e saj “Black Parade”, e veshur me një mini fustan lëkure të zezë Schiaparelli Haute Couture me doreza të ngjashme, geta të zeza të tejdukshme dhe taka me platformë Jimmy Choo. Flokët e saj ishin stiluar me kaçurrela të gjata që fshihnin pjesërisht një palë vathë të mëdhenj poshtë.
Në atë kohë, ajo bëri historinë e Grammy-t me fitoren e saj të 28-të, dhe tani, me 32 fitore dhe 88 nominime, Beyonce është artistja më e vlerësuar dhe e nominuar e të gjitha kohërave.
