Bibliotekat në të gjithë Turqinë kataloguan 75,6 milionë libra deri në fund të vitit 2020, nga 72 milionë një vit më parë, bëri të ditur Enti statistikor i këtij vendi. TurkStat tha se janë 33,978 biblioteka në vend, përfshirë Bibliotekën Kombëtare, 606 biblioteka universitare, 1.213 biblioteka publike dhe 32.158 biblioteka arsimore formale dhe joformale.

Numri i anëtarëve të regjistruar është 125,935 në Bibliotekën Kombëtare, 4,44 milionë në bibliotekat publike dhe 3,56 milionë në bibliotekat e arsimit. Biblioteka Kombëtare ka 1,47 milionë libra me 5,1% më shumë se një vit më parë, me 188.902 materiale të ndryshme.

Numri i bibliotekave publike është rritur me 2,6% gjatë periudhës së njëjtës ndërsa numri i librave në ato u rrit me 1,8% për të arritur në 21,12 milionë. “Ka biblioteka në 197 universitete, 125 prej të cilave janë universitete shtetërore dhe 72 janë universitete themelore”, tha TurkStat.

Derisa numri i bibliotekave universitare ra në vitin 2020, numri i librave në këto biblioteka u rrit me 3,4% në 18,55 milionë.

“Numri i librave elektronikë u ul me 1 për qind në vitin 2020, krahasuar me vitin 2019, për të arritur 97,34 milionë në vitin 2020”, shtoi ai.