Seri sulmesh në Ukrainë. 399 qytete kanë mbetur pa energji elektrike këtë mëngjes pas serisë së fundit të bastisjeve ruse. Kompania shtetërore Ukrenergo shpjegoi se ndërprerjet e energjisë kanë ndodhur në rajonet e Dnipropetrovsk, Donetsk, Sumy, Kharkiv dhe Kherson.
Guvernatori i Khersonit, Roman Mrochko raportoi se e gjithë pjesa e rajonit që nuk është e pushtuar nga rusët është pa energji elektrike dhe gjithashtu ka probleme me furnizimin me ujë.
Mbrëmë, njësitë e mbrojtjes ajrore ukrainase shkatërruan 16 nga 17 dronët e tipit Shahed të lëshuar nga Rusia. Të gjithë dronët erdhën nga Kepi Chauda, në Krimenë e aneksuar. Moska lëshoi gjithashtu një raketë të vetme të drejtuar Kh-59 nga rajoni i Donetskut, megjithatë Forcat Ajrore nuk dhanë informacion mbi rezultatin e lëshimit.
