Reshjet e dëborës që kanë përfshirë pothuajse gjithë territorin e vendit kanë shkaktuar dëmtime të shumta edhe në rrjetin rrjetin e shpërnarjes së energjisë elektrike.

Kryetari i Grupit Parlamentar të Partisë Socialiste Taulant Balla ka dalë në terren, ku po ndjek nga afër punën që po kryhet nga punonjësit e OSHEE në Elbasan për riparimin e difekteve.

Përmes një postimi në rrjetin social facebook numri dy i PS, Balla nuk ka lënë pa ironizuar dhe opozitën, e cila sipas tij jep mend nga divani i shtëpisë.

“ELBASAN🌨❄️👷🏻Dëmtimet në rrjetin e shpërnarjes së energjisë elektrike janë të shumta për shkak të stuhisë. Gjatë natës dhe sot në mëngjes po punohet për riparimin e tyre dhe po e ndjekim nga afër punën e tyre. Gaztorëve që komentojnë nga divani i ngrohtë, të cilët japin mend pse kështu e pse ashtu, ju them se këto janë kushte atmosferike tepër të vështira. Mirënjohje punonjësve të OSHEE, punonjësve të policisë, shërbimit të urgjencës, të mirëmbajtjes së rrugëve për punën që po bëjnë në terren. #punëjogjumë🙏🏾”, shkruan Balla.

  • foto galeri
  • foto galeri
  • foto galeri
  • foto galeri

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb