Pas 16 vitesh, Britney Spears më në fund ka zbuluar pse i preu të gjitha flokët para kujdestarisë së saj.
“Më shikonin aq shumë kur u rrita. Më shikonin lart e poshtë, më thanë se çfarë mendonin për trupin tim, që kur isha adoleshente. Rruajtja e kokës dhe aktrimi ishin mënyrat e mia për të luftuar ”, shkroi ylli i popit në kujtimet e saj të ardhshme, “Gruaja tek mua”, sipas një fragmenti të publikuar nga People të martën, 7 tetor.
Megjithatë, këngëtarja 41-vjeçare tha se që kur babai i saj, Jamie Spears, mori kontrollin e çështjeve të saj personale, mjekësore dhe financiare në vitin 2008, ajo nuk kishte më fjalë në jetën e saj të përditshme.
“Më bënë të ditur se ato ditë kishin mbaruar,” tregon ajo. “Më duhej të lija flokët të rriteshin dhe të kthehesha në formë. Më duhej të shkoja në shtrat herët dhe të merrja çfarëdo ilaçi që më thanë të merrja”.
Midis një serie seancash rehabilitimi, ylli i pop-it hyri në studion e parukerisë të Esterit në Tarzana, Kaliforni një natë në 2007 dhe kërkoi që t’i rruante flokët e saj gështenjë.
Pronarja e sallonit të flokëve, Esther Tognozzi, nuk pranoi, kështu që Spears mori makinen në duart e saj dhe duke i preu vetë, ndërsa paparacët shkrepnin foto nga dritaret.
Pak ditë më vonë, këngëtarja u fotografua duke sulmuar me çadër makinën e një fotografi. Incidentet radhazi, të cilat ndodhën ndërsa ajo ishte në mes të një beteje divorci dhe kujdestarie me Kevin Federline, e bënë menjëherë Spears temën e tabloidëve.
Por vitin tjetër, pasi u shtrua në spital, babai i saj shkoi në gjykatë dhe u bë kujdestar ligjor i vajzës së tij.
“Kujdestaria më hoqi gruan qe ishte tek une, më bëri fëmijë,” shkruan Spears në librin e saj, i cili del në dyqane më 24 tetor. “ Unë u bëra më shumë një entitet sesa një person në skenë. Unë gjithmonë e kam ndjerë muzikën në kockat e mia dhe në gjakun tim – ata ma vodhën atë.”
Këngëtarja tha se “nuk e meritonte ” atë që i bëri familja e saj. “Gruaja tek une ishte e ndrydhur për një kohë të gjatë”, shkruan ajo. ” Ata donin që unë të isha e egër në skenë… dhe të isha robot pjesën tjetër të kohës.”
Pasi Spears dëshmoi kundër kujdestarisë së saj “abuzive” në gjykatën publike në vitin 2021, një gjykatës i Los Anxhelosit pezulloi babanë e saj 71-vjeçar përpara se t’i jepte fund marrëveshjes.
