Trajneri i përfaqësueses shqiptare, Edi Reja, ka theksuar se Shqipëria bëri mirë ndaj Gjeorgjisë përveç golit. Ai shpjegoi për “SuperSport” se pse zëvendësoi Brojën, si dhe pse nuk kishte pasur mundësi që të përgatiste me mirë duelin.
“Bëhet e vështirë të luash me këta se nuk kalojnë mesfushën dhe të presin në kundërsulm. Gjeorgjia është shumë solide dhe e fortë, e njohim, kërkuam në pjesën e parë, në këtë ndeshje nëse bën gol hapen, përndryshe të mbyllin çdo hapësirë dhe bëhet e vështirë. Pastaj kur të gjithë mendojnë se të dielën kanë ndeshje në kampionat, nuk kanë agresivitet për të futur këmbën.
Kur bëhen miqësore duhet të bësh rotacione më të gjithë se me 3 ditë nuk ka stimuj. Kur luan me Spanjën, motivimi është ndryshe. Por impenjimi ishte, nuk ia dolëm të zhbllokonim, kishte një rast Çekiçi, krijuam diçka, por pak. Mirë edhe kështu, kemi bërë miqësore, kemi parë që Asllani ka cilësi dhe perspektivë.
Me kohë do të mundohemi të bëjmë grup, duhet pasur motivimi se kur ke diçka në lojë, motivimi është më i duhur. Do të shohim gjërat gradualisht dhe unë duhet të përgatit më mirë ndeshjen. Kemi mbërritur mbrëmë në 7 e gjysmë dhe sot nuk kishim kohë për të përgatitur ndeshjen. Por përkushtimi ishte, nuk mund të them asgjë.
Broja luaji ndërsa në pushim folëm se kishte probleme në kavilje dhe nuk ishte 100%. Doja të luante në fillim që të mos kishte probleme, bëri një pjesë dhe e zëvendësova që të mos kishe probleme.
Ai ka dritën dhe pastaj fiket, është me shkëputje. Por kur niset, ne e njohim karakteristiken e tij, se kur ndizet nuk e ndal askush. Pastaj në ndeshje të tillë ai luan, por nuk ka atë vendosmëri, atë ngarkesë emocionale që të shprehë të gjithë potencialin e tij”, tha Reja.
(BalkanWeb)
