E marta e kësaj jave zbret në fushë ekipet më me emër në Europë për fazën e 1/8 të “Champions League”. Napoli edhe pse ka humbur në sfidën e parë 3-1 në “Santiago Bernabeu” kërkon të befasojë jo vetëm Realin e Madridit, por të gjithë opinionin futbolldashës në ndeshjen e kthimit.

Të besuarit e Sarrit në mbështetjen e zjarrtë të publikut vendas paraqiten tepër të rrezikshëm në “San Paolo”, aty ku shumë skuadra e kanë tepër të vështirë për të fituar, por duhet t’i bëjnë mirë llogaritë sepse përballë kanë 11 herë kampionët e Europës.

Ndërkohë që në orën 20:45 në Londër do të luhet takimi tjetër mes Arsenal dhe Bayern Mynchen. “Topçinjtë” do t’a kenë tepër të vështirë ose thuajse të pamundur për të përmbysur shifrat e humbjes së thëllë të pësuar në Gjermani, 5-1.

Në kampin e skuadrës së drejtuar nga Venger situata nuk është nga më të mirat, kjo edhe për shkakun e Alexis Sanchez i cili në takim e fundit në kampionat ngrohu stolin dhe kjo nuk u prit aspak mirë nga ana e tij duke krijuar polemika me shokët e tjerë të skuadrës.

Gjithsesi futbolli është i bukur sepse është i paparashikueshëm dhe për këtë Arsenal duhet të provojë.

(e.k/BalkanWeb)