Kryeministri izraelit, Benjamin Netanyahu, është duke u kritikuar nga aleatët e ngushtë politik dhe ligjvënësit e krahut të djathtë për armëpushimin me Hamas-in.
Gideon Sa’ar, udhëheqësi i partisë “New Hope”, tha se marrëveshja do të dëmtojë seriozisht përmbajtjen e Izraelit kundër Hamas-it dhe e quajti marrëveshjen “të turpshme”.
Ndërsa ish-ministrja e Drejtësisë dhe deputetja aktuale me partinë Yamina, Ayelet Saked, tha se “një armëpushim i pakushtëzuar është i turpshëm”.
Duke iu referuar ushtarëve izraelitë të mbajtur nga Hamas-i, ajo tha: “Sjellja e djemve tanë në shtëpi do të ishte fitore.”
Pas 11 ditëve të agresionit izraelit, një armëpushim i ndërmjetësuar nga Egjipti midis Hamas-it dhe Izraelit hyri në fuqi të premten në orën 02:00 të mëngjesit.//AA
