Qytetarët në vende të ndryshme kanë ndezur qirinj në nder të viktimave të tërmetit në Turqi dhe Siri.

Qeveria shqiptare shpalli këtë të hënë (13 shkurt 2023), ditë zie kombëtare. Në sheshet kryesore, Fier Korçë, Elbasan, Shkodër, Kukës, janë ndezur qirinj nga qytetarët, po ashtu edhe vetë kryeministri Edi Rama publikoi një video në “Facebook”, teksa ndizte qirinj në ndër të viktimave.

Tërmeti katastrofik ka shkaktuar mbi 36 mijë viktima dhe mijëra të plagosur. Gjithashtu operacionet e kërkimit vijojnë për të shpëtuar qytetarët e bllokuar nga rrënojat si pasojë e tërmetit tragjik.