Ai është i sëmurë, por ende nuk dihet se çfarë ka. Me siguri, nuk është koronavirus. Novak Djokovic humbi finalen e ATP 250 në Beograd nga Andrei Rublev në shtëpi të dielën dhe është larg nga gjendja e tij më e mirë. Si gjithmonë kur bëhet fjalë për shëndetin, serbi mbetet i paqartë:
“Nuk dua të jap më shumë detaje, por është diçka që më kushtëzon metabolizmin. Është shqetësuese të ndjesh këtë në fushë”. Një keqardhje, që pas dy seteve të vështira, bëri që Nole të humbiste atë vendimtar 6-0.
“Ndeshja ishte e gjatë dhe atëherë fillova të ndihesha keq. Më ka ndodhur edhe në Montecarlo” – thekson numri një në botë. Skena mjaft të pazakonta ato që u panë në turneun serb: Djokovic iu desh të përdorte disa herë peshqirë të ftohtë gjatë ndryshimeve të fushës. Ka ikur koha kur ai refuzonte gjithçka dhe fitonte pikë në dhjetëra shkëmbime.
“I gjithë seti i tretë ishte i ngjashëm me atë që ndjeva në Monte Carlo (ku u eliminua nga Davidovich Fokina). Kjo është arsyeja pse unë mendoj se rikuperimi po zgjat më shumë sesa prisja” – shton Djokovic, i cili nuk ka luajtur asnjë turne në Amerikë për shkak të rregullave që ndalonin hyrjen e pavaksinuar në Shtetet e Bashkuara.
Nole ka luajtur vetëm tre turne (Dubai, Monte Carlo dhe Beograd), nuk ka fituar asnjë, madje nuk ka mundur edhe tenistin e vendit 95-të në renditjen botërore. Madridi e pret atë, pastaj ndoshta Roma dhe në fund Parisi. Por metabolizmi duket se po e pengon…
(BalkanWeb)
