Ndërkohë që vijon seanca në Kuvend, në një prej lozhave të sallës, disa qytetarë kanë shpalosur një pankartë ku kërkohej vota e emigrantëve në zgjedhjet e 2025.

Vota e diasporës është kërkuar në vijimësi nga opozita, por nuk është arritur në një dakordësi.

Më tej Garda ka ndërhyrë për të larguar qytetarët.

Para shpalosjes së banderolës, aktivistët kanë hedhur në sallë fletushka.

Aktivistët janë identifikuar si Elio Shyti, Arber Lleshi, Julian Kruja, Arlida Lleshi.

“Jeni në shkelje të ligjit. Kjo nuk është demokraci, demokraci që flisni vetëm ju.” Dëgjohet të thotë dikush.

Ndërkohë që një tjetër nga aktivistët shprehet: Nuk kemi mbaruar! Në Gjykatë të Hagës jeni të gjithë”.