Tre javë përpara fundit, Partizani luan finalen më të rëndësishme të sezonit. Në “Niko Dovana” nëse dëshirojnë të mbajnë të ndezur ëndrrën titull, përballë Teutës duhen tre pikët me çdo kusht. Ilir Daja është i vetëdijshëm për situatën ku ndodhen, pikët, kalendari dhe forca e rivalit nuk lënë shumë hapësira për llogari, kjo është një ndeshje ku luajnë gjithçka për gjithçka, pa qenë e nevojshme më pas të kthejnë kokën pas. Kjo pritet të jetë një sfidë e luftuar në çdo detaj pasi përballë janë sulmuesi më i mirë kundër mbrojtjes më të mirë, vendi i parë kundër vendit të dytë:
SULMI MË I MIRË KUNDËR MBROJTJES MË TË MIRË- Sigurisht që është një ndeshje ku do të luhet gjithçka për gjithçka. Nëse duam t’i kemi gjërat në dorën tonë, besoj që është treni i fundit. Kemi një kundërshtar të vështirë sepse luan vendi i parë me të dytin dhe Teuta pozicionohet në këtë kampionat sepse ka ditur të menaxhojë shumë mirë deri në këto javë. Është mbrojta më e mirë, por ne kemi sulmin më të mirë. Sigurisht që loja ka 2 faza dhe duhet mos përballemi vetëm në këtë lloj situate, por duhet të mendojmë edhe për raportet e mbrojtjes, se edhe Teuta ka lojtarë që nëse do i lesh hapësirat e duhura mund të të godasin.
DY SEZONE PA FITORE NË DURRËS- Kam dëgjuar që Partizani kishte 7 vite pa fituar me një ekip tjetër, për etikë nuk po e përmend. Besoj që në këtë vit që unë drejtoj bashkë me stafin Partizanin, kemi marrë njësoj pikë të dy ekipet. Që do të thotë që nesër do të luftojmë patjetër për të marrë 3 pikëshin. Ky 3 pikësh të jep edhe një bonus tjetër, sepse me ndeshje direkte pastaj pozicionohemi më mirë se Teuta.
ÇFARË DUHET TË NDRYSHOJË- Fakti që as Teuta nuk na ka mundur asnjëherë, raportet janë 50 me 50. Duhet të jemi të kujdesshëm, ta shtrimë këtë lloj përqëndrimi. Duhet të jemi të kujdesshëm, mos të prishim ekuilibrat, Teuta pëson pak gola. Pra duhet të sulmojmë me më shumë forca, duke pasur një mënyrë tjetër të luajturi në Durrës, më qenë së duhet të rriskojmë për të marrë 3 pikësh.
KONTIGJENTI I PLOTË- Kemi një problem me një nga lojtarët, që ka bërë ekon sot, por ekoja ka dalë e pastër. Sigurisht që ka kontrakturë jo tërheqje të gradës së parë. Vlen të theksohet se të gjithë lojtarët që kanë qenë në fazë përgatitore, asnjëri nuk ka pasur dëmtime, janë dëmtuar vetëm lojtarët që kanë ardhur në janar. Element shumë i rëndësishëm në futboll, është vazhdueshmëria. Duke parë këtë element pozitiv, jemi të kënaqur. Nuk kemi dëmtime, jemi ekipi me gjendjen më të mirë. Sepse mund të mos kesh dëmtime, por të kesh gjendje jo të mirë fizike.
Unë nuk jam këtu për Teutën, por po shikoja kalendarin e ndeshjeve në vazhdim dhe mendoj se as atyre nuk u intereson barazimi nesër sepse pas nesh luan me Laçin. Ne e kemi detyrë, por nuk do e humbim balancën.
Mëllugja është larguar. Ka qenë shumë korrekt largimi i tij, duke parë hapësirat e munguara, jo për faj të Partizanit, apo stafit, por për faj edhe të tij sepse kur ka ardhur te Partizani kishte shkëputur stërvitjen. Kanë gjetur dakordësinë dy-palëshe dhe në një mënyrë shumë korrekte kemi vendosur që klubi dhe lojtari të shkëpusin bashkëpunimin”, u shpreh Daja.
