Një ngjarje e rëndë ka ndodhur në Brazil, ku një 24-vjeçare shtatzënë është vrarë nga shoqja e saj dhe partneri dhe më pas i rrëmbyen fëmijën e porsalindur.
Të resë i është nxjerrë foshnja nga barku me prerje, pasi shoqja e kishte mashtruar se e priste një festë “Baby shower”. Flavia Godinio Mafra, 24 vjec ishte 36 javë shtatzënë dhe u vra në qytetin jugor brazian të Canellinia.
Partneri i shoqes së saj të fëmijërisë pranoi se ai përdori një tullë për ta vrarë Flavian, pasi ajo u tërhoq në vendin e krimit duke thënë se ata do të bënin një festë për të mirëpritur foshnjën e saj. Shoqja e viktimës pranoi se ajo ishte fiksuar me gruan shtatzënë dhe donte të vidhte foshnjën, pasi ajo vetë kishte abortuar në fillim të atij viti, sipas policisë.
Detektivi që ka marrë përsipër çështjen konfirmoi se shkaku i vdekjes së 24-vjeçares Flavia ishte një prerje e thellë në bark, ndërsa viktima gjithashtu pësoi lëndime me tulla. Trupi i 24-vjeçares fatkeqe u gjet të premten e kaluar në mëngjes nga burri dhe nëna e viktimës, pasi ishte braktisur në një oborr të braktisur, ndërkohë që foshnja ishte zhdukur.
Policia e gjeti foshnjën, pasi çifti që vrau nënën e kishin dërguar fëmijën në spital. Çifti u arrestua, ndërsa sipas mediave lokale braziliane, foshnja mbetet në spital ku i jepen antibiotikë dhe qetësues për plagët që pësoi pasi ishte shkulur nga barku i nënës së tij, megjithatë gjendja e tij konsiderohet e mirë.