Një ngjarje e rëndë ka ndodhur në Londër, ku pas më shumë se dy vitesh është gjetur e vdekur në banesën e saj një grua 61-vjeçare.
Banorët e lagjes në të cilën ajo jetonte janë shprehur të habitur kur kanë zbuluar se ajo kishte ndërruar jetë prej më shumë se dy vitesh, por askush nuk e kishte vënë re.
Nëna e tre fëmijëve, Seleoane, u zhduk në 2019, por duket se askush nuk u shqetësua dhe u interesua për të.
Kur policia ndërhyri me forcë në banesën e saj, e gjeti atë të dekompozuar në divanin e dhomës së ndjenjës.
Pranë trupit të saj u gjetën edhe disa tullumbace rozë të shfryra.
Vdekja e saj në mënyrë kaq të rëndë ka tronditur komunitetin, ndërsa autoritetet kanë nisur të mbledhin dëshmi nga të afërmit e saj, për të zbuluar se përse askush nuk ishte kujtuar për të.