Policia e Beratit ka arrestuar një 38-vjeçar, i cili dispononte armë zjarri pa leje. Burime zyrtare bënë me dije se bëhet fjalë për shtetasin Mikel Bushi, banues në fshatin Kutalli të bashkisë Dimal.

Nga hetimet paraprake ky shtetas dyshohet dhe si autor i një vjedhjeje të ndodhur më parë. Gjatë kontrollit të banesës, Policia gjeti dhe sekuestroi në cilësinë e provës materiale 1 armë zjarri automatik, një krehër dhe 7 fishekë.

Gjatë veprimeve hetimore paraprake rezultoi se shtetasi M. B., 38 vjeç, është autor i dyshuar i vjedhjes së një shume parash në një pikë karburanti, në datën 22.04.2021.
Materialet procedurale i kaluan Prokurorisë pranë Gjykatës së Shkallës së Parë Berat, për veprime të mëtejshme.
(BalkanWeb)