Pak më parë janë mbyllur qendrat e votimit të Turqi, ku qytetarët kanë votuar për zgjedhjet e kryebashkiakëve.
Beteja është përqendruar në Stamboll.
Fitimi i zgjedhjeve në qytet nuk është vetëm një fitore politike, por edhe një mënyrë për të siguruar një bastion që mund të ndikojë shumë në peizazhin politik të vendit.
Rëndësia strategjike e qytetit qëndron në rëndësinë e tij ekonomike, sociale dhe historike, duke e bërë atë një çmim të lakmuar për partitë politike që konkurrojnë për pushtet.
Ekrem Imamoglu, kryebashkiak në detyrë dhe kandidati nga partia kryesore opozitare e Turqisë CHP për Stambollin, udhëheq në rezultatet paraprake.
NTV tha se Imamoglu deri tani ka marrë 49.09% të votave, ndërsa janë numëruar me 3.67% e kutive. Murat Kurum, kandidati nga Partia AK e Presidentit Tajip Erdogan, e cila sundon në nivel kombëtar, ka marrë 42.83%.
“Bazuar në të dhënat që kemi mbledhur, mund të them se favorizimi dhe besimi që qytetarët tanë kanë ndaj nesh është demonstruar me të vërtetë. Panorama aktuale na kënaq shumë”, tha Imamoglu.
Ndërkohë që rezultatet paraprake e tregojnë humbës në Stamboll, Erdogan duket se po merr një goditje tjetër edhe në Ankara, bashkia e dytë më e rëndësishme e vendit.
Kryebashkiaku në detyrë i opozitës Mansur Yavas deklaroi fitoren ndaj kundërshtarit të tij të AK Partisë (AKP) më pak se tre orë pasi u mbyllën qendrat e votimit në zgjedhjet lokale mbarëkombëtare.
Deri më tani, vendi i parë në rang Kombëtar mbahet nga Partia Popullore Republikane, e cila ka marrë 38.9 % të votave, ndërsa Partia për Drejtësi dhe Zhvillim e Erdogan, ka marrë 37.4%.
(BalkanWeb)
