Gjykata e Korçës ka caktuar sot, në një seancë me dyer të mbyllura, masën e sigurisë për 37-vjeçarin nga Maliqi, i cili akuzohet se ka ngacmuar seksualisht vajzën e tij.
Gazetarja Lorena Kodra raporton për “BalkanWeb” se gjykata ka vendosur të lërë në burg 37-vjeçarin, i cili në përgjimet që publikoi “BalkanWeb”, ai dëgjohej teksa i kërkonte të bijës 18-vjeçare favore seksuale.
Ishte vetë 18-vjeçarja që regjistroi bisedën skandaloze me të atin dhe e denoncoi atë në polici, ku 37-vjeçari u vu në pranga menjëherë dhe tashmë po përballet me drejtësinë.
Ai ishte i divorcuar prej një viti, ndërsa ish-bashkëshortja e tij për “BalkanWeb” se ajo ishte dhunuar shumë herë prej tij, madje edhe në sy të fëmijëve, ndërsa 37-vjeçari ishte përdorues hashashi.
(BalkanWeb)
