LEZHË
Pas videos së publikuar në rrjetet sociale një ditë më parë, pezullohen nga detyra 4 punonjësit e Policisë të forcës së posaçme “Shqiponja”.
Gazetari Elidon Ndreka duke iu referuar burimeve, raportoi për “BalkanWeb” se të pezulluar nga detyra jane inspektorët R. P.; Xh. N; A. SH. dhe R. M.
Po sipas burimeve bëhet me dije se nga strukturat e SHÇBA-së ka filluar procedimi penal për këta punonjës. Ndërkohë ndaj tyre ka nisur hetimi disiplinor për shkelje të rëndë disiplinore “Sjellje e rëndë diskretituese”.
Mësohet se 4 policët ishin duke festuar për ditëlindjen e shefes së tyre XH.N. duke zbrazur armët në ajër në një rrugë të Lezhës. Gjithçka u filmua dhe prej ditësh qarkullonte në rrjetet sociale. Por duket se kjo festë e çmendur dhe e paligjshme do iu kushtojë shtrenjtë efektivëve.