Flota ruse e Detit të Zi është përballur me një sulm me dron në portin e Krimesë të Sevastopolit në orët e para të së hënës.

Guvernatori i qytetit të kontrolluar nga Moska përmes mediave sociale ka pranuar sulmin.

“Flota jonë tani po zmbraps një sulm nga dronët”, shkroi guvernatori, Mikhail Razvozhaev. “Të gjitha shërbimet e qytetit janë në gatishmëri”.

Sevastopol, së bashku me pjesën tjetër të gadishullit të Krimesë, u aneksua nga Rusia në vitin 2014, por njihet ndërkombëtarisht si pjesë e Ukrainës.

Së paku deri më tani nuk ka pasur ndonjë reagim të menjëhershëm nga Ukraina.

Siç kujtojnë mediat, Kievi pothuajse kurrë nuk e merr publikisht përgjegjësinë për sulmet brenda Rusisë dhe në territorin e kontrolluar nga Rusia në Ukrainë.

Sondazh


Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: