Në Davos të Zvicrës që prej datës 22 maj është duke u mbajtur takimi vjetor i Forumit Ekonomik Botëror me temë “Historia në një pikë kthese: Politikat qeveritare dhe strategjitë e biznesit”.
Forumi mbledh, së bashku 2000 liderë ekonomikë dhe politikë, intelektualë, gazetarë nga e gjithë bota.
Pjesëmarrës në këtë takim ishte edhe kryeministri i Kosovës Albin Kurti.
Gjatë qëndrimit në Davos, Kurti i ka kërkuar Greqisë njohjen e Kosovës.
Në një postim në profilin e tij në ‘Twitter’, kryeministri Kurti shprehet: “Iu drejtova Shtëpisë Greke dhe ftova Greqinë të bashkohet me vendet e tjera të BE-së në njohjen e pavarësisë sonë. Takimet tona, kulturore dhe diplomatike, bëhen më të shpeshta ndërsa shkëmbimi dhe bilanci ynë tregtar rritet”.
Ky forum do t’i mbajë punimet e tij deri më 26 maj, ku do të diskutohet për një sërë çështjesh në lidhje me ekonominë, ndryshimet klimatike, inovacionin, luftën, sigurinë kibernetike etj.
On the margins of @wef, I addressed the Greek House & invited ?? to join other EU countries in recognizing our independence. Our meetings, both cultural and diplomatic, grow more frequent as our trade exchange & balance rises. pic.twitter.com/N4BnzHS6Gu
— Albin Kurti (@albinkurti) May 26, 2022
(BalkanWeb)
