TIRANE- Një aksident me tre të plagosur ka ndodhur pak minuta më parë në zonën e Freskut në kryeqytet.
Nga të dhënat e para të policisë mësohet se janë përplasur me njëri-tjetrin dy mjete dhe për pasojë kanë mbetur të plagosur tre persona, dy vajza dhe një djalë, fatmirësisht jashtë rrezikut për jetën.
Nga përplasja e dy mjeteve, njëri prej të plagosurve ka ngecur brenda në makinë dhe është dashur ndërhyrja e forcave zjarrfikëse për ta nxjerrë.
Policia e Tiranës ka mbërritur në vendngjarje dhe po heton shkaqet e aksidentit.
Informacion paraprak.
Më datë 06.09.2017, rreth orës 15:25, në numrin e Emergjencave 112, ka ardhur një telefontë për përplasje mjetesh tek zona e Freskut.
Në vendngjarje kanë mbërritur shërbimet e policisë dhe ambulanca, ku nga verifikimet paraprake rezulton se: Mjeti tip “Volkswage” me drejtues shtetasin E.D. është përplasur me mjetin tip “Fiat” me drejtues shtetasin K.L, ku si pasojë e përplasjes është dëmtuar drejtuesi i mjetit tip “Fiat”, shtetasi K.L., dhe pasagjeret po në këtë mjet, shtetaset B.Ç., dhe H.B., të cilët janë jashtë rrezikut për jetën.
Grupi hetimor po punon për zbardhjen e rrethanave dhe shkaqeve të përplasjes së mjeteve.
(m.a/BalkanWeb)
