Një 51-vjeçar mësohet se është drejtuesi i kamionit me eksploziv që shpërtheu në orët e para të së shtunës në Urën e Krimesë.

Mediat ukrainase raportojnë se ai quhet Makhir Yusubov dhe punonte si shofer kamioni. Ai ishte vazhdimisht në lëvizje brenda rajonit të Krasnodarit, në lindje të Krimesë.

51 vjeçari ka kontaktuar për herë të fundit me familjen dy ditë më parë.

Udhëtimi për në urë duhej të zgjaste gjysmë ore, por për arsye të panjohura atij iu deshën gjashtë orë.

Shpërthimi vrau shoferin dhe një çift në një makinë që lëvizte pranë kamionit.