TIRANË
“BalkanWeb” ka siguruar pamje të sulmit ndodhur dy ditë më parë në xhaminë te Rruga e Kavajës në Tiranë. Në foto duket qartë ndërsa autori Rudolf Nikolli, i veshur sport e me kapele në kokë, hyn në xhami e sulmon me thikë një prej besimtarëve i cili ndodhej në atë moment brenda saj.
Por ndërsa i plagosuri i parë mundi t’i shpëtojë të tjera goditjeve, duke dalë jashtë ai është ndjekur pas nga Nikolli i cili sikundër duket në pamje ka nisur të qëllojë në rrugë, të tjerë persona që i dilnin përpara.
34-vjecari doli sot para trupit gjykues për t’u njohur me masën e arrestit, ndërsa në 6 muajt e fundit, ai ishte shtruar 5 herë në psikiatri teksa ka pasur konflikte të mëparshme me besimtarët muslimanë të po së njëjtës xhami ku kreu plagosjen e 5-fishtë.
Ai deklaroi se frekuentuesit e xhamisë e përgjonin, gjurmonin dhe nuk e linin rehat prandaj ai iu kundërpërgjigj me sulm me thikë, si pasojë e të cilit mbetën të plagosur Donald Koçi, rreth 35 vjeç, Saba Peposhi, rreth 22 vjeç, Mariglen Konja, rreth 24 vjeç, Kleon Jaupaj, rreth 26 vjeç
Anri Tola, rreth 23 vjeç.
(BalkanWeb)