Zinedine Zidane e ka nisur punën si trajner i Francës dhe një nga çështjet e para që duhej zgjidhur ishte ajo e kapitenit.

Pavarësisht ndryshimit në stol, shiriti do të mbetet në krahun e Kylian Mbappé. Sulmuesi i Real Madridit do të vijojë të udhëheqë “Les Bleus” si kapiten, ndërsa Zidane pritet të nisë tashmë përgatitjet për sfidat e ardhshme të kombëtares.

“Po, Kylian do të jetë lojtari im i ri dhe ai do të jetë kapiteni im”, deklaroi Zidane, duke i dhënë kështu besim të plotë sulmuesit të Real Madridit për të udhëhequr Francën në epokën e re. Një tjetër temë e pashmangshme ishte Topi i Artë, ku Mbappé është në garë me bashkëkombësin e tij Ousmane Dembélé.

“Çdo lojtar ka ambicien të fitojë Topin e Artë. Kur të mblidhemi, nuk do të ketë probleme të brendshme. Do të përqendrohemi te ndeshjet tona”, tha trajneri francez.