Trajneri i Romës, Gian Piero Gasperini, ka kujtuar periudhën e tij të suksesshme në krye të Atalantës. Para ndeshjes direkte ndaj ish-skuadrës që ka drejtuar, ai foli për sfidat, arritjet dhe filozofinë e lojës që e shndërroi Atalantën në një nga skuadrat më tërheqëse të futbollit italian, ndërsa tashmë synon të sjellë të njëjtin mentalitet fitues edhe te Roma.

“Në Romë, ka gjithçka që të duhet për të bërë mirë. Në Bergamo, pata sukses sepse mjedisi përreth meje ishte i bashkuar dhe puna e klubit ishte e jashtëzakonshme.

Qyteti i vogël krijoi gjithashtu një atmosferë ideale. Ne punuam dhe ndërtuam gjëra së bashku. Mendoni për transferimet e bëra dhe se si u investuan paratë. Anomalia e Atalantës ishte se ajo luante në Evropë ndërsa ende nxirrte fitim.

Nuk ishte vetëm falë meje, por mbi të gjitha falë një klubi shumë të aftë, i cili punoi në harmoni me trajnerin. Pastaj gjërat ndryshuan pak, pjesërisht sepse pronësia ndryshoi…”, tha Gasperini.