Një krizë dashurie me Ilaria D’Amico? Aspak, Gigi Buffon ecën nëpër rrugët e Venecias dorë për dore me partneren e tij, teksa puthen dhe përqafohen. Kushdo që mendoi se pasioni mes portierit dhe gazetarit po ftohet, do të duhet të ndryshojë mendje, duke parë pamjet e festës në Laguna të publikuara nga e përjavshmja “Chi”.
Alergjik ndaj mediave sociale, ngurrues për të shfaqur jetën e tyre private, Gianluigi Buffon, 44 vjeç dhe Ilaria D’Amico, 48 vjeç, e mbajnë sferën e tyre sentimentale larg vëmendjes sa më shumë që të jetë e mundur. Aq sa mungesa e tyre në revista shpesh sugjeron një krizë në çift. Por futbollisti dhe prezantuesja i shuajnë thashethemet me paraqitje të vogla së bashku.
Ja ku janë në Venecia, gjatë një pushimi të bukur së bashku, dorë për dore dhe nëpër kanale mes puthjeve pasionante dhe shikimeve të ëmbla. Ata i lejuan vetes një pushim nga rutina e përditshme, lanë në shtëpi fëmijët e tyre Leopoldo Mattia, fryt i dashurisë së çiftit, David Lee dhe Louis Thomas, të cilët Buffon i kishte nga ish-gruaja e tij Alena Seredova dhe Pietro, i cili D’Amico e ka nga ish-i saj Rocco Attisani.
Buffon dhe D’Amico janë bashkë që nga viti 2014 dhe thashethemet kanë qarkulluar shpesh për martesën e tyre të ardhshme. Në realitet, Gigi dhe Ilaria shijojnë dashurinë e tyre të shkujdesur, duke bërë herë pas here ‘muaj mjalti’.
(Tgcom24/BalkanWeb)
