Inteligjenca ushtarake britanike tha se ka parë një përqendrim të aktiviteteve ajrore ruse në juglindje të Ukrainës, gjë që sugjeron se është pjesë e rifokusimit strategjik të Moskës në rajon.

Përderisa forcat ruse ende mund të jenë në gjendje për një zbarkim tokësor në Ukrainë, Mbretëria e Bashkuar tha se beson se ky do të ishte një operacion i rrezikshëm. Kjo pasi, sipas inteligjencës ushtarake britanike, forcat ukrainase tani kanë mundësi që të përgatiten për një gjë të tillë.

Të dielën në mëngjes, u raportuan shpërthime në qytetin port strategjik jugor të Odesës në bregun e Detit të Zi, raporton BBC. Deri më tani nuk dihet nëse ka viktima apo jo. Kujtojmë se ushtria ruse nisi sulmin në Ukrainë më 24 shkurt.