Marash Kumbulla ka qenë dhe mbetet një objektiv i Inter. Klubi zikaltër nuk ka hequr dorë nga ideja për të transferuar qendërmbrojtësin kuqezi në Milano, pavarësisht se në javët e fundit ofensiva e Lazios e dërgonte Kumbullën më pranë kryeqytetit.

Sipas “Sportmediaset”, në orët e fundit, në shtëpinë zikaltër është ndezur edhe një herë pista Kumbulla. Verona vlerëson kartonin e mbrojtësit me 30-35 milion euro, por në çdo rast, nëse Inter paguan shumë, apo gjejnë kompromis ndërmjet tyre, Verona do të kërkojë të mbaj lojtarin në formë huazimi edhe për sezonin pasues.
(BalkanWeb)