Matthijs De Ligt është vetëm një hap larg Bayern Munich, me optimizëm nga Torino u largua Hasan Salihamdizic. Drejtori sportiv i Bayern ka akordin total me holandezin, oferta prej 18 milionë euro në sezon dhe një kontratë 5-vjeçare ka bërë për vete “tulipanin” e Juves.
Me bekimin e lojtarit, Bayern ka një bonus të rëndësishëm në këto negociata por sigurisht duhet bindur edhe Juve. Për momentin mes palëve ka një hendek jo të vogël pasi Juve pretendon 90-100 milionë euro ndërsa Bayern për momentin ofron 70 milionë euro, por këtu përfshihen edhe bonuset.
Bayern shpreson që një pjesë të mirë të kësaj shume ta marrë nga shitja e Robert Leëandoëskit. Polaku është rikthyer në Munih por shpreson të mos udhëtojë me grupin në fazën përgatitore.
Barcelona vijon ta pres në “Camp Nou” por oferta e tyre nuk bind ende drejtuesit e Bayern për më tepër që tani për Lewandowskin interesohet edhe Chelsea. Blutë kërkojnë të përfitojnë nga vështirësitë ekonomike të Barcelonës për të joshur “bomberin” polak. Zgjidhja e vetme për Laportën është të shes De Jong, të pranojë ofertën e Man.United prej 85 milionë euro, por një skenar i tillë nuk ngroh shumë trajnerin Xavi.
(BalkanWeb)