Agjencia ruse e lajmeve RIA Novosti, ka njoftuar sot se dy shtetas britanikë dhe një maroken, të kapur nga forcat ruse në Mariupol, janë dënuar me vdekje.

“Gjykata e Lartë e DPR miratoi dënimin e parë për mercenarët – britanikët Aiden Aslin dhe Sean Pinner dhe marokeni Saadun Brahim u dënuan me vdekje”, raporton korrespondenti i RIA Novosti nga salla e gjyqit.

Aiden Aslin 28-vjeç nga Nottinghamshire, Shaun Pinner 48-vjeç nga Bedfordshire, dhe një i tretë, shtetasi maroken Saaudun Brahim, u paraqitën në një gjykatë në Republikën Popullore të Donetskut, e cila është nën kontrollin e rebelëve pro-rusë.

Gjykata nuk është e njohur ndërkombëtarisht.

Mësohet se ata akuzohen se kanë punuar për llogari të ushtrisë ukrainase, si mercenarë. Megjithatë familjet e dy shtetasve britanikë theksojnë se nuk ata nuk kanë qenë mercenarë por se kanë qenë pjesë e ushtrisë ukrainse.

Të dy britanikët janë duke u shërbyer anëtarëve të forcave të armatosura të Ukrainës dhe Britania e Madhe e ka bërë të qartë se ata janë të burgosur lufte me të drejtë imuniteti dhe nuk duhet të ndiqen penalisht për pjesëmarrje në armiqësi.

BBC bën një profil të dy britanikëve të dënuar.

Aiden Aslin

Një nga burrat britanikë është Aiden Aslin, 28 vjeç, historinë e të cilit BBC e ka ndjekur në të kaluarën.

Aslin është nga Newark në Nottinghamshire dhe familja e tij tha se ai u transferua në Mykolaiv në Ukrainë në vitin 2018. Ai u bë marinar me ushtrinë ukrainase në vitin 2018, u fejua për t’u martuar me një ukrainas dhe e kishte bërë vendin shtëpinë e tij.

Ish-punonjësja e kujdesit kishte luftuar edhe më parë me njësitë e armatosura kurde në Siri kundër të ashtuquajturit Shteti Islamik.

Që nga kapja e tij, ai është shfaqur në foto dhe video në televizionin rus, në të cilat dukej i mavijosur dhe i enjtur teksa merrej në pyetje.

Shaun Pinner

Britaniku tjetër, Shaun Pinner, është 48-vjeçar dhe me origjinë nga Bedfordshire. Familja e tij tha se ai ishte një ushtar “i respektuar” në Ushtrinë Britanike përpara se të transferohej në Ukrainë katër vjet më parë për të përdorur përvojën e tij të mëparshme dhe stërvitjen me ushtrinë ukrainase.

“Shaun gëzonte mënyrën e jetesës ukrainase dhe e konsideronte Ukrainën si vendin e tij të adoptuar gjatë katër viteve të fundit. Gjatë kësaj kohe, ai takoi gruan e tij ukrainase, e cila është shumë e fokusuar në nevojat humanitare të vendit,” thanë ata.

Kontrata trevjeçare e Pinnerit do të skadonte në fund të vitit dhe ai po planifikonte të hynte në një rol humanitar në vend, sipas familjes së tij.

“Shaun është një burrë, djalë, baba, vëlla dhe mik qesharak, shumë i dashur, me qëllime të mira për shumë njerëz”, thanë ata.

(BalkanWeb)