Aktorja e njohur Jennifer Aniston ka rrëmbyer vëmendjen sërish me pamjen e saj mahnitëse në një seri fotosh prapa skenave nga seti i fundit për markën e saj të kujdesit për flokët.
55-vjeçarja dukej në super formë, ndërsa ndante me ndjekësit në Instagram disa momente të veçanta nga sesioni fotografik, ku nuk munguan edhe çastet spontane me fotografin e famshëm Norman Jean Roy.
Në foto, Aniston shihet e relaksuar, me flokë natyralë dhe një stil minimal që reflekton filozofinë e Lolavie produkte të krijuara me përbërës natyralë, të testuar pa eksperimente mbi kafshët dhe plotësisht vegane.
E lançuar në vitin 2021, Lolavie përfaqëson një qasje të kujdesshme dhe të ndërgjegjshme ndaj bukurisë, duke reflektuar stilin e thjeshtë dhe klas të vetë Aniston. Marka ka fituar popullaritet të madh për cilësinë e produkteve dhe etikën e saj mjedisore.
Fansat dhe ndjekësit kanë vërshuar me komente pozitive, duke e komplimentuar Jennifer për freskinë, stilin natyral dhe përkushtimin ndaj projekteve të saj personale.
(BalkanWeb)
