Një palestinez është qëlluar për vdekje nga forcat izraelite në Qytetin e Vjetër të Jeruzalemit, pasi dyshohet se u përpoq të kryente një sulm me thikë.
Ngjarja ndodhi pranë hyrjes së Bab Hutta, pikërisht jashtë kompleksit të Xhamisë Al Aqsa.
Shoqata Palestineze e Gjysmëhënës së Kuqe, në një deklaratë, tha se ekipet e saj e kishin të ndaluar të hynin në afërsi të Bab Hutta-s për të bindur burrin që të dorëzohej.
Mediat lokale e identifikuan palestinezin si një burrë 30-vjeçar që vinte nga kampi i refugjatëve ‘Shuafat’ në Jeruzalemin Lindor .
Incidenti ndodhi disa orë pasi rojet izraelite të sigurisë qëlluan dhe plagosën një palestinez të shurdhër, i cili nuk ishte në gjendje të dëgjonte urdhrat për të ndalur në një pikë kontrolli të okupuar në Perëndim.
Në fund të majit, policia izraelite qëlloi për vdekje një palestinez të paarmatosur 32-vjeçar me autizëm të rëndë.
Burri u ndoq nga forcat e policisë kufitare izraelite në një cep në Qytetin e Vjetër dhe u pushkatua ndërsa ai u afrua pranë një koshi mbeturinash.
Palestinezët dhe grupet e të drejtave të njeriut kanë akuzuar prej kohësh forcat e sigurisë izraelite për përdorimin e forcës së tepërt.
Qyteti i Vjetër dhe pjesët e tjera të Jeruzalemit Lindor kanë parë një rritje të tensioneve që kur Presidenti amerikan Donald Trump lëshoi planin e tij të ashtuquajtur Lindjen e Mesme në fillim të këtij viti.
Zemërimi palestinez gjithashtu është ndezur ditët e fundit pasi Izraeli dhe Emiratet e Bashkuara Arabe ranë dakord të normalizojnë marrëdhëniet, një veprim që shumë palestinezë e panë si tradhtinë e kauzës së tyre nga vendi i Gjirit.
Izraeli dhe Emiratet e Bashkuara Arabe ranë dakord të enjten për të vendosur marrëdhënie diplomatike në një marrëveshje të ndërmjetësuar nga Shtetet e Bashkuara, sipas së cilës Izraeli kishte pranuar të ndalonte aneksimin e pjesëve të Bregut Perëndimor të okupuar.
Kryeministri izraelit Benjamin Netanyahu më vonë tha se kishte pranuar vetëm të “vononte” aneksimin, dhe se “kurrë nuk do të hiqte dorë nga të drejtat për tokën e tyre “.
Jared Kushner, këshilltar i vjetër i Shtëpisë së Bardhë dhe dhëndri i Donald Trump, u tha gazetarëve të hënën se SHBA nuk do të pranojnë aneksimet izraelite në Bregun Perëndimor për “disa kohë”.
A.Ago//BalkanWeb
