Një grua që kishte mbetur nën rrënoja për 175 orë në provincën Hatay të Turqisë u shpëtua të hënën, më shumë se një javë pas tërmetit të fuqishëm.

Pamjet e publikuara nga Bashkia e Stambollit treguan gruan, e identifikuar si Naide Umay, duke u ngritur me barelë nga poshtë rrënojave.

Ekipi i shpëtimit përfshinte staf nga departamenti i zjarrfikësve të Stambollit dhe minatorë turq, të cilët janë midis mijëra punëtorëve që ndihmojnë në përpjekjet e kërkimit dhe shpëtimit.

Ekipet janë ende duke nxituar për të shpëtuar viktimat që mund të jenë të gjalla nën rrënoja, megjithëse agjencitë e ndihmës dhe autoritetet kanë paralajmëruar se shanset për të gjetur të mbijetuar po bëhen gjithnjë e më të pakta.