Tre shqiptarë janë arrestuar në Greqi, pasi akuzohen për trafik droge dhe llogari bankare të pajustifikuar në Britani dhe Shqipëri.
Sipas mediave greke, njëri prej të arrestuarve, një 44-vjeçar ishte përgjegjës për sigurimin e mjeteve të nevojshme për kultiviminin e lëndëve narkotike. Një 52-vjeçar luante rolin e ‘kopshtarit-roje’ dhe kujdesej për kultivimin e kanabisit, si dhe për përgatitjen e sasive për shitje. Ai nuk dilte nga ‘ferma’ dhe e vetmja gjë që bënte ishte kujdesia ndaj bimëve të fidanit. Ndërsa një 56-vjeçar dyshohet se ishte kreu i bandës, ku policia ka gjetur llogari bankare në Shqipëri dhe Britani.
Gjatë kontrollit fizik në laborator, policia greke ka gjetur dhe sekuestruar: 310 fidanë kërpi hidroponik, 42 kg kanabis, 6- kg poleni kërpie, peshore elektronike, pajisje speciale për rritjen e kanabisit, vulë me emrin e kompanisë, enë plastike, tenxhere dhe llamba.
Ndërsa në banesat e tyre në Athinë dhe Nicë, u gjetën dhe sekuestruan: 4 gr kokainë, 89 gr kanabisi, 8 celularë dhe mjete të ndryshme transporti.
Tre të arrestuarit ndodhen në paraburgimin e Pireut ku presin të marrin dënimet përkatëse nga drejtësia greke.
(BalkanWeb)
