Kanadaja ka ndërprerë përkohësisht “çdo financim shtesë” për agjencinë e Kombeve të Bashkuara, e ngarkuar me dhënien e ndihmës për palestinezët mes akuzave se anëtarët e stafit ishin të përfshirë në sulmet e 7 tetorit kundër Izraelit, në të cilat u vranë 1200 njerëz.

“Kanadaja po i merr këto raporte jashtëzakonisht seriozisht dhe po angazhohet me UNRWA dhe donatorë të tjerë për këtë çështje,” tha në një deklaratë ministri kanadez i Zhvillimit Ndërkombëtar Ahmed Hussen.

“Kanadaja ka ndërprerë përkohësisht çdo financim shtesë për UNRWA-n ndërkohë që ajo ndërmerr një hetim të plotë mbi këto akuza. Nëse pretendimet rezultojnë të jenë të sakta, Kanadaja pret që UNRWA të veprojë menjëherë kundër atyre që janë përcaktuar se janë përfshirë në aktet terroriste të Hamasit,” tha ai.