Ministri i Turizmit Blendi Klosi ka përmbyllur programin “Smile Albania”, në të cilën kanë marrë pjesë të rinjtë shqiptarë, që kanë promovuar Shqipërinë dhe kulturën e vendit tonë.

Klosi tha se rinia jonë është e mrekullueshme dhe se me buzëqeshjet e saj ka afruar vizitorë vendas e të huaj për të vizituar Shqipërinë, malet dhe detet e mrekullueshme shqiptare.

“Rinia është shpirti i turizmit në Shqipëri. Sektori i turizmit po njeh përditë e më shumë rritje. Realisht ndihem shumë mirë kur shoh kaq shumë njerëz, sidomos të rinj, që i japin jetë projektit Smile. Ne ju falënderojmë që ju ishit aktiv.

Ne duam që të krijojmë një promovim, se Shqipëria është një vend atraktiv, që tërheq të huajt drejt vendit tonë. Jam i lumtur që kemi një rini kaq entuziaste.  Ne kemi dhënë edhe çmime në kuadër të programit kaq të njohur Smile Albania”, duke vlerësuar rininë tonë, e cila e ka bërë Shqipërinë më të adhurueshme ndër sytë e të huajve dhe investitorëve”, deklaroi ndër të tjera Klosi.

Smile Albania” u shtri gjatë gjithë sezonit veror në të gjitha pikat hyrëse dhe zonat turistike, duke synuar kthimin e Shqipërisë në një destinacion turistik evropian.

(d.xh/Balkanweb)