TIRANE
Ish-deputeti Arben Malaj, ka ndarë në një postim në facebbok qëndrimin e Partisë Agrare Ambjentaliste, ku po jep kontributin e tij së fundi, lidhur me ndryshimet kushtetuese.
PAA vlerëson dhe mbështet takimin e këshillit politik për të konfirmuar votimin unanim në Kuvend të marrëveshjes së 5 qershorit duke i hapur rrugën procesit të çeljes së negociatave si prioriteti kryesor i Shqipërisë dhe kombit shqiptar, ndërsa thekson se është koha për përgjegjësi dhe jo për arrogancë kartonash.
Postimi i plotë:
Partia Agrare Ambientaliste – Është koha për përgjegjësi dhe jo për arrogancë kartonash. Është koha për të demokratizuar partitë politike dhe politikën shqiptare dhe jo për te synuar mandate politike te perjetshme.
PAA vlerëson dhe mbështet takimin e këshillit politik për të konfirmuar votimin unanim në Kuvend të marrëveshjes së 5 qershorit duke i hapur rrugën procesit të çeljes së negociatave si prioriteti kryesor i Shqipërisë dhe kombit shqiptar.
PAA vlerëson se çdo propozim shtesë për ndryshime kushtetuese kërkon një proces më të gjatë konsultimi publik.
Çdo mbivendosje e prioriteteve që cënon marrëveshjen e 5 qershorit dhe çdo përpjekje e sforcuar e maxhorancës për të mos vepruar me forcën e përgjegjësisë ndaj vendit por me forcën e kartonave, dëmton rëndë ambientin social dhe politik në vend, ngadalëson dhe vonon procesin e integrimit si dhe e bën më të vështirë përballjen me krizën sociale ekonomike dhe buxhetore të krijuar nga tërmeti, pandemia por edhe nga keq-qeverisja e vendit. Është koha për përgjegjësi dhe jo për arrogancë kartonash. ZSH
(BalkanWeb)
