DJI, lideri botëror i dronëve, pezulloi operacionet tregtare në Rusi dhe Ukrainë, duke u bërë kështu kompania e parë kineze e teknologjisë së lartë, që merr një vendim të tillë, që nga pushtimi i Kievit nga trupat e Moskës.
Kompania, në një deklaratë, shpjegoi se “po rivlerëson kërkesat e pajtueshmërisë në juridiksione të ndryshme”, duke shtuar se ndërkohë “do të pezullojë përkohësisht të gjitha aktivitetet tregtare në Rusi dhe Ukrainë”.
E themeluar në Hong Kong në vitin 2006, DJI specifikoi se “po angazhohej me klientët, partnerët dhe palët e tjera të interesuara”.
Pekini nuk e dënoi pushtimin, duke zgjedhur ‘neutralitetin’ e pasigurt në favor të Kremlinit, por kompanitë kineze qëndruan të heshtura se si të menaxhonin ndikimin e sanksioneve të rënda kundër Moskës.
DJI u përball me kritika nga Ukraina në mars, e cila akuzoi grupin e teknologjisë Shenzhen se ka lejuar forcat ruse të përdorin teknologjinë e saj në operacionet ushtarake, përfshirë kundër civilëve, denoncoi zëvendëskryeministri Mykhailo Fedorov në një postim në Twitter.
Sistemi AeroScope lejon përdoruesit të zbulojnë dhe monitorojnë me dronë dhe tregtohet si një mjet për të mbrojtur objektet e ndjeshme si aeroportet dhe burgjet. Kievi pretendoi se sistemi ishte përdorur nga Rusia për të drejtuar raketat e saj.
Kompania, duke hedhur poshtë të gjitha akuzat, përsëriti javën e kaluar se produktet e saj ishin të destinuara për përdorim civil, duke siguruar që partnerët e saj “bien dakord të mos i shesin produktet e saj klientëve që planifikojnë qartë t’i përdorin ato për qëllime ushtarake ose të ndihmojnë në modifikimin e tyre.”
Megjithatë, ushtria ukrainase u mbështet në dronët e DJI për operacionet e zbulimit gjatë konfliktit, ndërsa imazhet dhe pamjet e fushës së betejës tregonin se edhe Rusia i përdori ato gjithashtu në operacione luftarake.
