Republika e Kongos njoftoi të mërkurën një ndalim 45-ditor të dasmave, një veprim ky që do të ndihmonte në frenimin e përhapjes së koronavirusit.
“Ceremonitë martesore, fetare dhe tradicionale janë pezulluar për një kohëzgjatje prej 45 ditësh,” tha ministri i komunikimit, Thierry Moungalla, në një deklaratë të lexuar në televizionin publik.
Vendi i Afrikës Qendrore, i njohur gjithashtu si Kongo-Brazzaville për ta dalluar atë nga Republika Demokratike shumë më e madhe e Kongos, po përballet me një valë të tretë të virusit, tha ai, duke cituar ekipin e tij kombëtar anti-Covid.
“Kjo situatë jashtëzakonisht shqetësuese dhe serioze, duhet të respektojmë masat distancuese,” tha ai.
Rritja e rasteve të reja ishte “veçanërisht e dukshme në, varrosjet, dasmat, festimet e tjera, në transportin publik,” tha ai, duke kritikuar “mungesën e afërt” të kontrolleve për të korrigjuar një sjellje të tillë.
Aktivisti i të drejtave lokale Tresor Nzila i tha AFP se ndalimi ishte “joproporcional dhe joefektiv” dhe një “sulm i mëtejshëm” mbi liritë.
Kongo, një vend me rreth 5.5 milionë banorë, ka regjistruar zyrtarisht 15,445 raste me Covid-19 që nga 14 marsi i vitit 2020, nga të cilat 222 kanë qenë fatale, sipas shifrave të publikuara të dielën.