Korça është veshur me ngjyrat kuq e zi mbrëmjen e kaluar që ishte dhe nata e tretë të festës së birrës, ky qytetarët kanë shijuar birrën dhe ritmet e muzikës së mirë, që i ka bashkuar pa dallim.

Këngëtarja Orgesa Zaimi, këngëtari Land Kademi dhe Simpatico Band kanë elektrizuar atmosferën me këngët dhe zërin e tyre, duke dhuruar spektakël për të pranishmit teksa shijonin “Birrën Korça” dhe “Tirana”.

Atmosfera u “ndez” edhe më shumë në koncert kur këngëtarja Orgesa Zaimi këndoi këngën “Kuq e Zi”, të cilën qytetarët e kanë kërcyer dhe shijuar teksa në dorë mbanin gotat e birrave.

“Birra Korça” si birra kryesore dhe e para që në zanafillën e kësaj feste, ndiqet dhe nga “Birra Tirana”, që gjenden me stendat e tyre pranë konsumatorëve dhe që freskojnë netët kulminante të kësaj vere.

Gjatë mbrëmjes së sotme, në natën e katërt të Festës së Birrës në Korçë, do të performojnë këngëtarët e mirënjohur Endri dhe Stefi Prifti, Shemi nga grupi “Ilirët” si dhe grupi i rrokut nga Australia, “Mixed Up Everything”.

Ndërkohë, gjatë së dielës, në natën e fundit të Festës së përvitshme të Birrës, do të performojnë grupet muzikore “Hot Club Tirana”, “Wedding and Funeral Band”, Kori Lira si dhe këngëtari me famë botërore Goran Bregoviç.