Kreu i Agjencisë Ndërkombëtare për Energjinë Atomike (IAEA), Rafael Grossi, tha se mirëpret njoftimet e sotme lidhur me situatën në Iran.

“Rifillimi i bashkëpunimit me IAEA-n është thelbësor për një marrëveshje diplomatike të suksesshme, që do të zgjidhte përfundimisht mosmarrëveshjen mbi aktivitetet bërthamore të Iranit,” u shpreh Grossi. Ai shtoi se i ka dërguar një letër ministrit të Jashtëm të Iranit për të theksuar rëndësinë e bashkëpunimit dhe ka propozuar një takim së shpejti.

Në një deklaratë, organizata tha se inspektorët e IAEA-s kanë qëndruar në Iran gjatë gjithë konfliktit dhe janë gati të nisin punën sa më parë që të jetë e mundur. “Gjatë këtyre sulmeve, kemi parë dëme të konsiderueshme në disa objekte bërthamore në Iran, përfshirë pajisjet për konvertimin dhe pasurimin e uraniumit.

Vlerësimi ynë është se ka pasur disa lirime të lokalizuara radioaktive dhe kimike brenda objekteve të dëmtuara që përmbanin material bërthamor – kryesisht uranium të pasuruar në nivele të ndryshme – por nuk ka asnjë raportim për nivele të rritura të rrezatimit jashtë ambienteve,” deklaroi Grossi.