BULQIZË
Bulqiza është tronditur sot nga një ngjarje e rëndë, ku një sherr banal mes të rinjsh përfundoi me vdekjen e një 21-vjeçari. Ai u godit me thikë nga bashkëmoshatari e tij.
Gazetari Enver Doçi raportoi për “BalkanWeb” se pasi janë konfliktuar verbalisht, autori i dyshuar, 22-vjeçari Fatjon Keta, ka nxjerrë thikën dhe më pas ka goditur të riun, Arlind Pasha. Ky i fundit ka humbur jetën rrugës për në spital.
Kur kanë kaluar disa orë nga vrasja e të riut, Policia e Bulqizës ka zbarkuar në terren duke marrë në mbrojtje shtëpinë e autorit, me qëllim parandalimin e ndonjë hakmarrjeje të mundshme nga familjarët e 21-vjeçarit, i cili mbeti viktimë e një sherri banal. Nga të dhënat e para dyshohet se autori rezulton me probleme mendore.
(n.m/BalkanWeb)
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
