Ish-futbollisti dhe gazetari i BBC-së, Gary Lineker është pezulluar nga puna, pasi kritikoi politikën e qeverisë britanike për çështjen e migrantëve.

Transmetuesi tani përballet me një bojkot nga ekspertët, prezantuesit dhe madje edhe lojtarët e emisionit të tij kryesor të futbollit “Ndeshja e ditës”, ndërsa disa programe radiofonike janë hequr nga transmetimi si rezultat i çështjes që nuk u prit mirë.

Lineker kritikoi politikën e re të diskutueshme të qeverisë për azilkërkuesit të martën dhe më pas u tërhoq nga detyrat e tij prezantuese këtë javë pasi BBC tha se tweetet e tij shkelnin udhëzimet e tyre, veçanërisht angazhimin e saj për “paanësinë e duhur”.

Vendimi i BBC-së ka ngjallur polemika, duke e lënë organizatën nën kritikat e politikanëve të opozitës.

(BalkanWeb)