TIRANË
Lëvizja Socialiste për Integrim është e gatshme të ecë përpara me miratimin e reformës zgjedhore. Kështu deklaroi sot kryetarja e LSI-së Monika Kryemadhi gjatë një bashkëbisedimi me gazetarët. Ajo tha se opozita e bashkuar është në unison sa i takon këtij procesi dhe se detyrimet e opozitës kanë mbaruar me arritjen e këtij konsensusi për reformën zgjedhore duke ia kaluar topin maxhorancës pasi sipas saj, i takon maxhorancës të vijojë me plotësimin e 8 kushteve.
“Mungesa e gjithëpërfshirjes ka sjellë këtë krizë politike në të cilën ne gjendemi sot. Ndaj pa humbur kohë ne kemi qenë të gatshëm dhe jemi të gatshëm në çdo moment për të ecur përpara me miratimin e menjëhershëm të reformës zgjedhorë, gjë që është një nga kushtet e parë të Bundestagut Gjerman por jo vetëm të Bundestagut Gjerman por edhe të Këshillit të Ministrave të jashtëm në mënyrë të tillë që Shqipëria në Samitin e Zagrebit të ketë një po, qoftë edhe me kushte për hapjen e negociatave. Duke pasur parasysh që për vetë Lëvizjen Socialiste Për Integrim, integrimi Europian është gjëja themelore dhe gjëja më e rëndësishme për të cilën ka nevojë sot Shqipëria dhe shqiptarët. Ne morëm përgjegjësinë tonë përpara qytetarëve për të realizuar reformën zgjedhore, e cila është e domosdoshme për të krijuar dhe për të hapur rrugën e vazhdimit të mëtejshëm të reformave dhe të të gjithë situatave të tjera. Sigurisht që ne si opozitë e bashkuar jemi në unison të plotë për sa i përket këtij procesi dhe sot mbledhja e Këshillit politik e cila u dakortësua në takimin e ditës së martë, do të ketë pjesëmarrjen e përfaqësuesve të opozitës së bashkuar ku do të marrin pjesë për Lëvizjen Socialiste Për Integrim do të jetë z. Petrit Vasili, i cili ka qenë edhe pjesë e këtij dakortësimi dhe më pas për të ecur më përpara me hapa sa më të shpejtë në mënyrë të tillë që ne si opozitë e bashkuar të jemi shumë më përpara sa i përket edhe datës 15 mars duke pas parasysh, dhe që ju vet keni dijeni që Komisioni për Reformën zgjedhore i ngritur nga opozita me ekspert të të gjitha partive politike ka më shumë se 2, 3 muaj që po punon që në momentin e nxjerrjes së kushteve të Bundestagut, që mbas datës 18 tetor të vitin 2019.
Më pas me firmosjen e asaj dakortësie të atij dokumenti në të cilën është realizuar në bashkë punim edhe me partnerët tanë ndërkombëtarë, ka qenë detyrimet e opozitës kanë mbaruar tashmë detyrimet janë të mazhorancës për të ecur përpara me kushtet e tjera dhe për të realizuar sa më shpejtë që të jetë e mundur që këto 8 kushte që janë detyrim i drejtë për drejtë i mazhorancës parlamentare”, deklaroi Kryemadhi.
Ajo tha se “përgjegjësia jonë e vetme që ishte dhënia e konsensusit për reformës zgjedhore dhe implementimi i të gjitha rekomandimeve të OSBE-ODHIR kanë qenë të domosdoshme për tu përfshirë në mënyrë të tillë për të treguar vullnetin dhe për të parë sesa e gatshme ka qenë opozita gjithmonë që në dhjetor të 2018, ku opozita ka qenë e gatshme për votimin e reformës zgjedhore por u sabotua ky lloj dakortësie për sa i përket kësaj reforme”.
“Ku në mënyrë të njëanshme nga Partia Socialiste u paraqitën drafte apo amendamente të Partisë Socialiste të pa konsultuar në komisionin zgjedhor. Sigurisht që axhenda opozitare tashmë nuk do të thotë se do të ndryshojë. Do të jetë po e njëjta axhendë, do të vazhdojë të eci përpara për sa i përket gjithë aksionit të saj politik. Do të vazhdojmë duke ecur hap pas hapi jo vetëm në realizim e të gjitha detyrimeve që kemi ne si opozitë por do të vazhdojmë të intensifikojmë veprimin politik duke vazhduar dhe duke mos ndalur në asnjë moment jo vetëm denoncimet korruptive apo dhe kriminale por edhe duke vepruar dhe me të gjitha mjetet demokratike të protestës të cilat janë të domosdoshme.
Ajo që është shumë e rëndësishme është fakti që sot ne kemi dhe një dakordësi edhe nga Parlamenti monopartiak, i cili ka arritur të pranojë ilegjitimitetin e kësaj strukture politike, e tashmë strukturë më legjitime është ky këshill politik që do të bëjë të mundur hapjen dhe krijimin e zgjedhjeve të reja të parakohshme. Janë i vetmi instrument për të zgjidhur krizën politike”, u shpreh kryetarja e LSI-së.
Sipas saj, sot Shqipëria është në një moment që ka një dritë shprese për të lëvizur gjërat dhe për të mos vazhduar në një stanjacion. I vetmi njeri që do të dëshironte të vazhdonte stanjacioni dhe që ky dakordësim për të ecur dhe për të vazhduar, pse jo edhe në 15 shkurt, s’kemi pse presim deri në 15 mars në qoftë se është vullneti politik i forcave, por jam e bindur që opozita është e gatshme që sot për të dhënë rekomandimet e veta dhe për t’u ballafaquar me to, në mënyrë të tillë që sa më shpejt të ecim me reformat zgjedhore.
“Reforma zgjedhore do të jetë një proces pozitiv. Nëse do të ketë një vullnet politik nga shumica socialiste dhe pjesa tjetër parlamentare për të ndryshuar dhe për të ecur më shpejt, mjafton të shfuqizojnë gjendjen e emergjencave civile, në mënyrë të tillë që të bëjë të mundshëm miratimin e Kodit Zgjedhor”, tha Kryemadhi.
(BalkanWeb)
